துணைக் கண்டத்திலுள்ள ரசிகர்களுக்காக இந்தியா – பாகிஸ்தான் இணைந்து விளையாட வேண்டும் – பாகிஸ்தான் கிரிக்கெட் வாரியம்

- in கிரிக்கெட்
58
Comments Off on துணைக் கண்டத்திலுள்ள ரசிகர்களுக்காக இந்தியா – பாகிஸ்தான் இணைந்து விளையாட வேண்டும் – பாகிஸ்தான் கிரிக்கெட் வாரியம்
கொல்கத்தா
எல்லை தாண்டிய பயங்கரவாதம், அத்துமீறிய தாக்குதல் உள்ளிட்ட காரணங்களால் பாகிஸ்தானுடனான இருதரப்பு கிரிக்கெட் போட்டிகளில் விளையாடாமல் இந்தியா தவிர்த்து வருகிறது.
எனினும், 50 ஓவர் உலகக் கோப்பை, டி20 உலகக் கோப்பை, சாம்பியன்ஸ் கோப்பை, ஆசிய கோப்பை உள்ளிட்ட பல்வேறு நாடுகள் பங்கேற்கும் ஐசிசி போட்டிகளில் இரு நாடுகளும் மோதிக் கொள்கின்றன.
இந்நிலையில், இருதரப்பு கிரிக்கெட் ஒப்பந்தத்தை இந்தியா மீறியதாகக் கூறி பிசிசிஐயிடம் ரூ.464.9 கோடி இழப்பீடு கோரி ஐசிசியிடம் பாகிஸ்தான் முறையிட்டுள்ளது. அது தொடர்பாக 3 நபர் குழு வரும் அக்டோபரில் விசாரிக்க உள்ளது.
இந்த நிலையில் பாகிஸ்தான் கிரிக்கெட் வாரியத் தலைவர் நஜம் சேத்தி நேற்று செய்தியாளர்களுக்கு பேட்டியளித்தார்.
அதில், “முதலாவதாக, துணைக் கண்டத்திலுள்ள ரசிகர்களுக்காக இந்தியா – பாகிஸ்தான் இணைந்து விளையாட வேண்டும். அடுத்ததாக, இதுதொடர்பாக பிசிசிஐ தான் இறுதி முடிவெடுக்க வேண்டியுள்ளது. இந்த விவகாரத்தில் மேற்கொண்டு விவாதிக்க ஏதுமில்லை.
விரைவாகவோ அல்லது தாமதமாகவோ இரு நாடுகளும் மீண்டும் இணைந்து கிரிக்கெட் விளையாடும் என்று நம்புகிறோம். இந்திய அணியின் எதிர்கால கிரிக்கெட் சுற்றுப் பயண திட்டத்தில், பாகிஸ்தான் தொடருக்கு கால ஒதுக்கீடு செய்யப்படவில்லை.
இந்த விவகாரத்தில் தீர்ப்பாயத்தின் முடிவையே நாங்கள் சார்ந்திருக்கிறோம். அதன் தீர்ப்பு எங்களுக்கு சாதகமாக வரும் பட்சத்தில், கிரிக்கெட் சுற்றுப் பயணத் திட்டம் அதற்கேற்றாற்போல மாற்றியமைக்கப்படும்.
இந்திய வீரர்கள்  பாகிஸ்தான் வந்தாலோ, பாகிஸ்தான் வீரர்கள்  இந்தியா வந்தாலோ பாதுகாப்பு தேவை . ஆனால் 3 வது நாட்டில் விளையாடும் போது அத்தகைய பாதுகாப்பு தேவை இல்லை. நாங்கள் சொந்த நாடாக எண்ணி ஐக்கிய அரபு எமிரேட்ஸசில் விளையாடுகிறோம். ஆனால் பி.சி.சி.ஐ  அதை செய்ய முடியும் என்பதை உறுதிப்படுத்துவதில் சிரமம் உள்ளது.   அவர்கள் அரசாங்க அனுமதி இல்லை என்று கூறுகின்றனர்.
“எப்படியிருந்தாலும், நீங்கள் ஒப்பந்தத்தில் கையெழுத்திட்டபோது,   அரசாங்க அனுமதி  ஒரு முக்கிய விஷயமாக இருந்தால், நீங்கள் அதை ஒப்பந்தத்தில் வைத்திருக்க வேண்டும், நீங்கள் அதை செய்யவில்லை. எனவே என்ன, பிரச்சினை.
எங்கள் நிலைப்பாடு என்னவென்றால் நீங்கள் அரசாங்க அனுமதியைப் பெற வேண்டும்? நாங்கள் அரசாங்க அனுமதியைப் பெறவில்லை. கிரிக்கெட் வாரியங்களின் விவகாரங்களில் அரசு குறுக்கிடை விரும்பவில்லை,
பாகிஸ்தானுடனான இருதரப்பு கிரிக்கெட்டை மீண்டும் தொடங்குவதற்கு இந்திய ஊடகங்கள் உரிய அழுத்தம் தராதது ஆச்சர்யமளிக்கிறது” என்று கூறினார்.

Facebook Comments

You may also like

தேர்ச்சி பெற்றால் விளையாடு; இல்லையா வெளியே போ: ரவிசாஸ்திரி

இந்திய அணியில் விளையாடும் வீரர்களின் உடற்தகுதியை சரிபார்க்க இந்திய கிரிக்கெட்